Glaibasler Sumpfwaggis

Fasnacht 2026

Liebi Passivi und Fründe
 Wie allewyyl händ mir au das Joor wieder e volls Brògramm. Und drmit Ihr uns a de “drey scheenste Dääg” au findet, gits au das Mol wieder e glaini Zämmefassig für Euch.
Mir fröie uns uf öiche Bsuech

Waagevernissage
Samstig 21.02.2026
Ab de 14.00h in dr Halle 
Bachstrasse 5, CH 4206 Seewen
Für Ässe und z Drinke isch wie allewyl gsorgt.

Määntig Cortége Innerie Route
Staart 13:30h Wettstaikirche
Ersti Pause in dr Striitgass
Zweiti Pause in dr Iisegass 
Schluss Rääbgass höchi Volkshuus

Zischtig Apero Kasärne
13.30h Staart mit em Apero.  
15:00h  Platzkonzärt vo de Gasse Klopfer 
16:00h  Platzkonzärt  vo die Unschlyssige
17:00h  Platzkonzärt vo dr Guggemuusig Claraschnoogge 

Mìttwuch Cortége Üsserie Route 
Staart 13:30h Claragrabe  
Ersti Pause bim  Spiegelhof
Zweiti Pause in dr Steinevorstadt 
Schluss am Wettstaiplatz

Fasnacht 2026

Liebi Passivi und Fründe 
Au für d Fasnacht 2026 könnet dr wie allewyyl diräggt bi jedem Aggtive vo de Glaibasler Sumpfwaggis d Blaggedde bestelle.

Priise...    
Kupfer                           CHF 10.00                            
Silber                             CHF 20.00                            
Gold                               CHF 50.00
Bijou, Astegger            CHF 100.00                             
Bijou, Ahänger             CHF 100.00

"Me het e Blaggedde"

Euri Sumpfwaggis

Schööni Wiehnachte 2025

Mir wünsche euch allne ganz schööni Whienachte und im Voruus scho e ganze guete Rutsch ins neue Joor.

Euri Sumpfwaggis

Spaghetti Plausch 2025

Bald ìsch es wiider sowyt.
Am 30. August findet unser Spaghetti Plausch statt.
Das Joor wird de Alass z'Basel im Dalbedych im Quatier Lehematt dure gführt.

Ab de 3i goht es mit em Plausch los.
Näbst de Spaghetti gits au das Joor wiider musikalischi Unterhaltig.
Denn mit de Fährischiffli und de Schogger händ mir zwei tolli Gugge vor Ort.

Mir freue freue uns uff euere Bsuech.

Euri Sumpfwaggis

Fasnacht 2024/2025 ìsch passe

Unserie GV isch agstande und das ime spezielle Licht.

Denn nach eme licht turbulänte Vereinsjoor hets zur diesjährige GV einigi Veränderige geh.

Als erstes het uns dr Mario nach dr Fasnacht scho mitteilt ka, dass er e bitz kürzer trätte muess und deshalb bi uns ufhört.
Au uff däm Wäg no ne mol Merci für die Isatz im Verein in de letzte Joore liebe Mario und alles gueti für d Zuekunft.

Aber nit nur dr Mario händ mir verabschiedet, nei au unsere langjähriges Vereinsmitglied und Oobmaa dr Blacky. Nach 40ig Joor Sumpfwaggis isch für ihn Zyt gsi zum Adieu sage. Au wenn dr Abschied für alli schwer gfalle isch, so wird er nit allzu wyt wäge vo uns sie. Denn ab sofort isch dr Blacky offiziell Ehremitglied bi uns und wird uns somit uff e anderi Art erhalte bliebe.
Au dir Blacky no ne mol viele härzligge Dangg für die grosse Iisatz und Liedeschaft über all die Joore.
Du wirsch uns uff em Waage fähle.

Es isch aber zum Glück nit nur Verabschiedet, nei sondern au positives mitteilt worde.

Dangg em sparsame Kassier und em tolle Iisatz vo allne Aktive und zum Teil au Passive händ mir unsere Kassestand wieder könne verbessere was sicher nit nur de Kassier zum Strahle brocht het.
Au do ne ne mol es grosses Dangge an all Beteiligte.

Au d Azahl vo de aktive Mitglieder het meh erfolgriich könne steigere.
Diesbezüglich möchte natürligg de Markus, Fabian, Luca, Manu, Marco und dr Werni härzgligg bi uns begrüesse. Die 6 motivierte Waggis sind a dr GV offiziell ins Probejoor uff gno worde.

Und wenn es im Vorstand Änderige git, denn muess me do natürligg au de neu ufstelle.
Deshalb isch de Bebbi neu zum Oobmaa und dr Roger zum Vize Oobmaa gwählt worde.
Mir wünsche dene zwei es guets Gelinge und viel Gedult, denn d Fussstapfe vom Blacky sind gross.

Mit em neue Vorstand und de neue Aktive starte mir Sumpfwaggis jetzt zu 8 ins neue Vereinsjoor und freue uns jetzt scho uff e scheeni und tolli Fasnacht 2026.

Bis bald euri Glaibasler Sumpfwaggis